灣仔永華麵家8月底結業 鄧兆尊懷念20年情:爸爸帶我去嘅

撰文:
最後更新日期:

灣仔老店「永華麵家」日前宣佈8月底結業,令不少顧客大嘆可惜。這間老店開業逾半個世紀,麵條由傳統手法竹昇打製,其鮮蝦雲吞麵和炸醬麵自2016年起,連續3年被評為「米芝蓮車胎人美食」的超值推介,除此之外,這裡亦有不少名人明星名流幫襯過,好似鄧兆尊、郭富城、黃秋生等都是座上客。

「永華麵家」已經貼上「光榮結業」。(網絡圖片)

鄧兆尊接受《香港01》訪問時,表示自己已經光顧了「永華麵家」二十幾年,同老闆娘、老闆娘的女兒都好熟,大家似親人一般:「因為我爸爸帶我去嘅嘛,我哋都好鍾意食。(鍾意食咩呢?)雲吞麵、桑寄蓮子蛋茶、古法蝦子柚皮呢啲啦。(女朋友呢?)佢哋都係食甜品多,菜心呢啲。」兆尊坦言老闆娘好好人,成日都會送東西給他們吃,而自己一個月起碼去兩次:「同咩人都去,得閒就去㗎啦。」

鄧兆尊表示自己光顧「永華麵家」已經二十幾年,同老闆娘一家好似親人一樣。(視覺中國)

現在好多老牌店鋪都逐一執笠,兆尊亦覺得少了好多選擇,也許「永華麵家」對他來說已經不止是一間店鋪,早已是他生活中的一部分,相信當中都有不少他和爸爸新馬師曾的回憶,面對店鋪的結業,兆尊應該都會覺得有些遺憾,不過他坦言:「都無話遺憾嘅,其實老闆娘辛苦咗好耐㗎啦,以前日日開鋪好早㗎,好似係9點零鐘開,開到夜晚兩點鐘先閂,咁近排先至早收咗,十二點零鐘就收㗎啦,好辛苦嘅。」或者真是如兆尊所講,兩家人好像世交一般,他站在老闆娘的立場,設身處地去想,就算有所不捨,但對於老闆娘來講,又未必是一件壞事。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。