【非分熟女】吳浩康演人夫挑戰情慾戲 生日願望事業愛情兩得意

撰文:
最後更新日期:

吳浩康(Deep)出席電影《非分熟女》開鏡儀式,Deep表示:「我個角色係阿Sa(蔡卓妍)嘅老公,所以幾乎所有戲份都係同阿Sa拍。」Deep都參演過好多電影,估唔到佢話,親熱戲會難到佢喎:「其實拍親熱戲時有好多微妙嘅感情變化要顧及,所以都有一定難度。」又謂每個角色演起來都有各自的難處,自己只會以平常心面對,盡力配合劇本,不會期望太高以免為自己途添壓力。

吳浩康挑戰親熱戲,說每個角色有各自的難處。(陳順禎攝)

6月13日開鏡活動適逢阿Deep生日,劇組亦溫馨地送上蛋糕及即場唱生日歌。阿Deep表示今晚約了父親慶生,更打趣話曾考慮生日飯父親節飯一次過「搞掂」:「講笑啫,我今晚同爸爸食,遲啲會同家姐姐夫一齊同阿爸慶祝父親節。」孝順仔阿Deep可有被父親催促人生大事?阿Deep坦然人人都恨事業愛情兩得意,但自己目前就只能努力工作,愛情則順其自然。

吳浩康生日願望是事業愛情兩得意。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。