朱鑑然爆肌泳池拍攝節目 自爆為新戲學跳社交舞

撰文:
最後更新日期:

朱鑑然近日為TVB拍攝《今期流行》,在水中為大家測試防水眼影,同場還有伍樂怡、單文柔等。雖然是第一次在水中拍攝,但對於這位深諳水性的飛魚王子來講,當然得心應手:「因為我水性都好好啦,所以硬係會覺得喺水入面拍嘅時候,個感覺再舒服啲,再輕鬆啲。」朱仔坦言去到自己熟悉的環境,心情會好放鬆,更令他憶起當初游水的難忘事:「幾深印象是一次參加比賽,我都比平時早到場20分鐘左右,但去報到時工作人員卻話賽事即將進行,原來當日流程快了,所以雖然早到,但都係遲咗……下次唯有再早啲到!」

朱鑑然為TVB《今期流行》拍攝,自爆游水時的難忘事。

朱仔游水這麼厲害,如果要做一個游水的角色,應該都會駕輕就熟啦,不過他就說要視乎角色而定:「如果角色要游得好快,咁我熟水性一定有幫助嘅。但我反而因為做運動,對自己身體嘅認知同敏感度會高啲,接觸新事物都會pick up得快小小。」接下來朱仔就會開拍新電影,戲中還會接受新挑戰:「新戲角色會涉及跳舞成分,所以最近都有學跳社交舞;另一個project係需要講異地口音,希望好快有新作送俾大家!」

朱仔透露為新戲學跳社交舞。

今次在節目中要測試化妝品,朱仔自稱平時會擦眼影出街,不過實際是嘲笑自己的黑眼圈,稱工作有需要時才會化妝,但自己一定要擦的就是防曬霜:「其實紫外線長年累月下好傷皮膚,所以一定要留意,男仔特別是耳仔邊、面頰、後頸膊頭等等!」難怪朱仔這麼白淨!

朱仔是嘲笑自己的黑眼圈似眼影,稱自己一定要擦的就是防曬霜。

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。