巴西體操王子襲港　一字馬送心心冧粉絲

瘋魔全球的巴西體操王子Arthur Nory今日現身銅鑼灣Fashion Walk出席世界盃活動，期間Arthur亦大顯身手做出各式高難度體操動作，還以招牌笑容及心心手勢俘虜在場女粉絲。

Arthur接受《香港01》訪問時，透露首次來港，覺得香港是個很可愛的城市，希望再次來港時，能有足夠時間去探索香港，他指到步當晚已經品嘗過傳統廣東菜。問到可喜歡香港女生，Arthur即大讚蔡思貝靚女，笑言：「香港女生好靚，好特別同有個性。至於挑選女朋友嘅條件，一定要性格好，內在美對我嚟講係最重要，唔識運動都冇所謂，靚同可愛就得！」談到未來的目標，Arthur直言會積極備戰下屆奧運奪得金牌，更會加重訓練，而這段時間都會參加更多國際賽事，奪得愈多獎牌愈好。