倪晨曦恨同湯洛雯一齊拍旅遊節目:孖埋阿妹四人行﹗

撰文:
最後更新日期:

今日(14日),倪晨曦Elva聯同「孖生姊妹」湯洛雯出席商店開幕典禮。提到有網民話兩位女神外形相似,「傻傻分不清」,Elva都話自己同靚湯喺好多方面都好相似:「我地style好貼近,好似我地都鐘意喱士衫,又鐘意紮三瓣辮髮型。」體現出好姊妹的默契﹗

倪晨曦Elva同湯洛雯姊妹默契十足,style十分相似。(梁碧玲攝)

臨近暑假,Elva和靚湯最近都不停「密密飛」,靚湯早前飛去韓國拍《學是學非》,Elva則飛回家鄉加拿大。熱愛旅遊的Elva直言想同靚湯拍旅遊節目:「有得拍緊係好啦,甚至可以請埋我地阿妹,四個人一齊去!」

Elva同男友感情穩定。(梁碧玲攝)

提到感情狀況,密運中嘅Elva同圈外男友感情穩定,更自爆一次男友令自己甜入心嘅舉動:「有一次我扭親隻腳,佢幾乎係24小時都陪住我,又逼我去睇醫生,我都覺得好warm。」Elva仲話要介紹男仔俾靚湯識,到時黎個double date都唔錯。

Elva話要介紹男仔俾靚湯。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。