【深宮計】原來斟過佢做皇后？向海嵐：可惜時間配合唔到
撰文：郭芷晴
出版：更新：
今日(14日)，向海嵐出席亞洲小姐記者會。闊別了娛樂圈一段時間的海嵐最近回歸，多線發展：「其實已經重返幕前一段時間，不過前期主要集中係舞台劇同音樂劇，依家就有係亞視做主持。」咁有冇機會返TVB拍劇？「其實之前有傾過《深宮計》，但礙於時間方面配合唔到，都有啲可惜，但如果之後遇到好劇本好角色，我都會考慮。」以港姐身份宣傳亞姐，怕唔怕TVB「封殺」？海嵐則表示這個不由她擔心，娛樂圈內資源共享是一件好事。
陳綺明、馮雪冰兩位出席亞姐選美活動不奇怪，但向海嵐出現始終感覺怪怪地。
除左演藝事業，海嵐亦有發展珠寶生意，笑言希望能成為小富婆。最後她寄語想選美的女孩，「上到台最緊要笑，笑下笑下就唔緊張」，並且說自己無論選美定人生都喜歡真心待人，這樣自己就不會有壓力。大家學到野未？