【花椒之味】鄭秀文演繹溫婉大家姐 為醞釀角色苦研劇本
撰文：朱奕錦
出版：更新：
Sammi以一身黑色deep V長裙出席活動，同場的還有super junior成員崔始源。（梁碧玲攝）
鄭秀文（Sammi）今日在中環出席CHANEL的腕錶活動，以一身CHANEL2018早冬系列黑色deep V鏤空拼接紗裙亮相的Sammi，因連日腹瀉而清瘦些許，幸好現在已經恢復正常，令fans都可以鬆一口氣。
Sammi透露在《花椒之味》中的性格和造型同平時的自己好不同。（梁碧玲攝）
上個月剛剛拍完電影《花椒之味》的Sammi，在戲裡面的角色和平時的她有好大不同：「嗰個大家姐嘅角色好溫婉啦，咁但係佢又有某一種嘅執著喺裡面，就令到佢自己喺情感上面有一種自己對自己嘅傷害。」除此之外，Sammi在戲中的扮相都一改生活中的型格look，穿上過時襯衣，佩戴一副老式眼鏡，樸素又斯文，不過Sammi就覺得這個造型給自己演出帶來一個好新鮮的感覺。
Sammi花成個月時間醞釀角色，聲稱不捨劇組台前幕後工作人員。（梁碧玲攝）
早前Sammi透露自己為投入角色醞釀了成個月，她坦言盡快抓住角色的情緒和感覺是一件好重要的事：「第一就要對個劇本非常之了解啦，對啲劇情好了解啦，同埋一去到片場要馬上進入嗰個角色，我成日覺得當你真係全心投入咗嗰個角色嘅時候，你嘅一舉一動，或者每一句語氣，甚至你已經成為嗰個人，就已經唔係好需要刻意去演啲乜嘢。」雖然花了一段時間投入角色，不過Sammi就抽離得好快，反而不捨得一班台前幕後的工作人員。
Sammi父親節忙於工作，稍後會同爸爸慶祝80大壽。（梁碧玲攝）
馬上就是父親節，但Sammi有工作在身，陪不到爸爸，不過一向孝順的她，表示爸爸好快正式八十大壽，到時便會同爸爸一起慶祝。
+3