【飛虎之潛行極戰 有片】吳卓羲MK衣著向黃宗澤挑機 三哥：打和
撰文：張嘉敏
出版：更新：
Ron走街頭風路線。
吳卓羲 (Ron) 是公認的靚仔型男，不過他的衣服品味好唔好就真係見仁見智喇。繼上次的《米埔時裝周》講完黃宗澤 (Bosco) 的衣著打扮之後，無綫的See See TVB facebook網頁又有新片講fashion，來來今次第二回的主角終於輪到Ron了。條片講Ron要向Bosco的 #無性系 衣著挑機，以他極具個人風格的 #街頭風 打扮來迎戰。Ron表示衝動了13年，係時候要做返啲嘢喇，於是近期就穿上印有靜音標示的Tee，提醒自己做事要三思而後行，所以屬於 #提示系 造型。
Ron着住靜音tee。
好有趣。
條片仲好抵死咁話Ron原來係師承「時裝聖嬰」煎pan (即係陳展鵬)，連展鵬都玩埋，指出Ron以前已經有先例着到好似煎pan咁，着褸都要着穿窿褸，最近就鍾意在長袖恤衫外襯中袖輕紗外套，仲要幫Ron配音話：「我覺得自己完美帶領旺角潮流文化，落到西洋菜街同啲大媽一齊跳舞都無代溝，乜你喺旺角無見過我咩？」最後更由三哥苗僑偉做評判睇下Bosco同Ron邊個fashionable啲，三哥話：「澤囝，你嘅打扮打破咗人類對男女時裝認知，牙Ron，我亦欣賞你對MK文化嘅堅持同執著。」所以三哥判兩人打和！
竟然話煎pan係時裝聖嬰。
又話Ron師承煎pan。
+8