【世界盃】德國隊最多靚仔球星　Mats Hummels集型英帥靚正於一身

四年一度的國際球壇盛事世界盃已經開鑼，32強的分組賽正進行得如火如荼，雖然一隊波踢成點同球員的顏值完全無關，不過見到靚仔球星出場確實會令人睇得更加開心，尤其是一眾女球迷。要數最多靚仔球星的國家足球隊，當然係德國隊啦，當中的打中後衛的Mats Hummels更加係公認的型男，集型英帥靚正於一身，而且仲好多明星相，舉手投足都散發出星味。現年29歲的Mats Hummels效力於德甲球會拜仁慕尼黑，身高1米91的他高大強壯，防守能力出眾，空戰頭球更是他的強項。