傳岑麗香爭女主角失敗拒續約 唐詩詠:大家睇得太多深宮計

撰文:
最後更新日期:

岑麗香昨日就傳出TVB合約已滿不再續約,而香香今日就喺佢自己個人社交網站宣佈與TVB認約滿離開無線,但就係之前就傳出香香佢不滿新劇《解決師》被搶去角色而拒絕續約,擔任女主角一角變咗由唐詩詠飾演。

今日唐詩詠出席新劇《天命》嘅宣傳活動。(葉志明攝)

今日唐詩詠出席新劇《天命》宣傳活動,問到佢知唔知道香香唔續約TVB?詩詠回答到:「今日番嚟有聽到人講,但從來公司呢啲事我哋都唔會知道,每一個人嘅選擇都係佢自己私隱。」但又被指係妳搶佢角色令到佢選擇唔續約,自己又知唔知呢件事?詩詠無奈地說:「係囉,我正想講宜家乜野都關我事,可能大家睇得太多深宮計,皇宮裡面嘅事情放咗入呢間公司,我自己只想講我由入呢間公司到宜家呢一刻我所有嘅工作我諗除咗我之外,基本上所有嘅藝員都係公司去派畀我哋,所以如果我有咁嘅能力,我一定係會要求加我嘅人工,所以我覺得有少少誇張。」

詩詠表示唔想什麼事情再關我事。(葉志明攝)

而近年詩詠都常常受到別人批評,就好似所有唔好事情都會關佢事,詩詠自己都覺得無奈,「其實呢間公司仲有好多高層,其實我只係打工,但大家好似畀咗好多權力我,所以其實唔好關我事啦其它事嘅話,除咗我自己啲劇之外。」不過做人最緊要開心,詩詠都唔會因為有呢啲事情發生而令到自己有困擾。

近日傳出岑麗香唔續約TVB係因為關唐詩詠事。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。