【天命】兩年後再有新劇 李施嬅自爆單身:唔係大家以為我結咗婚

撰文:
最後更新日期:

李施嬅(Selena)出席新劇《天命》宣傳活動,今次再度有新劇Selena都表示非常開心,因為Selena已經有兩年多冇劇係TVB播放,期間都有好多粉絲同觀眾會問到Selena佢究竟係咪唔再TVB拍劇啦,Selena都講到唔經唔覺已經有兩年,唔知道大家仲記唔記得我呢?Selena更自嘲說:「好彩宜家自己冇男朋友啫,如果唔係大家都以為我結咗婚唔做。」

李施嬅(Selena)出席新劇《天命》宣傳活動。(葉志明攝)

不過呢兩年多Selena究竟去咗邊呢,當然大家都會有好奇,咁都問Selena到底呢段時間去咗休息定做其它事情呢?Selena回應:「呢兩年多去左外國拍劇啦,之前去美國拍微電影,而早前就喺加拿大拍攝電視劇,所以基本上喺香港TVB裡面就一年拍一套。」

Selena原來已經有兩年多冇劇喺TVb播出。(葉志明攝)

就近年嚟講每一個藝人都喺想衝出香港,進軍其他國家,而Selena就覺得自己應該算衝出咗掛,「衝出咗都算係嘅,去過星加坡,去過加拿大應該都算係,同埋都主要講英文。」不過Selena重點話係吸收經驗最緊要。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。