終極型佬苗僑偉正式「登六」 夕陽下咀老婆男人味完美釋放

撰文:
最後更新日期:

三哥近年真係愈來愈型,男人味濃。(視覺中國)

+7
+6
+5

以前成日話年輕就是本錢,不過近幾年大家好似愈來愈識欣賞成熟美,Keep得好嘅女士會稱之為「美魔女」,Keep得好嘅男士除咗係型佬之外,種種人生經歷亦令男人味日益濃厚。6月18號係三哥苗僑偉正式「登六」嘅日子,一對仔女苗俊苗彤,以及大班好友齊齊為三哥慶祝。

早喺12號三哥已經開始放假,同志偉等去打Golf。(苗僑偉微博)

雖然三哥點睇都唔似60歲,不過話晒都係生日,唔擺大壽啫,家人好友都一定要同佢大肆慶祝一番。早喺12號三哥已經留言話:「假期啟動」,同曾志偉、吳啟華等好友,連日來打高爾夫球兼食好嘢。三哥囝囝苗俊一早就喺社交網站,上載三哥同三嫂戚美珍,於夕陽下嘅咀咀靚相,仲寫上「60」字樣。

呢張逆光相真係勁SWEET。(苗俊IG)

大批好友為三哥慶祝生日,壽星仔舉手兩個6字好興奮呀。(苗僑偉微博)

而囡囡苗彤亦為型爸生日會忙個不停,有塊木牌指示大家:「Welcome to Micheal’s Birthday」,仲有個靚靚立體草地生日蛋糕,上面插住哥爾夫球桿,果然好知爸爸心意呀。另一張相仲見到三嫂向三哥獻上Birthday Kiss,一對仔女企喺兩邊拍晒手,相信今年生日三哥一定相當難忘。

三嫂獻上情深一吻,三哥真係心都甜晒啦。(微博圖片)

呢個生日蛋糕好有心思呀。(微博圖片)

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。