【金宵大廈】鄧佩儀拍喊戲一秒就有眼淚 背後原來有段感人故事
撰文：林迅景
出版：更新：
鄧佩儀今日出席「big big channel KIDS x Think big 夏日大想」活動。（黃國立攝）
《金宵大廈》在6月初已經拍攝完畢，相信不久將來就會播出同大家見面。據知主要講述香港社會民生故事的《金宵大廈》以近似美劇的單元型式播放，相信會令觀眾有耳目一新的感覺，就連劇中飾演「溫睛」的鄧佩儀（Gloria）也表示十分期待劇集的來臨。而Gloria的角色故事也是圍繞家庭。她接受《香港01》訪問時說：「我記得以往拍喊戲都需要陪養感情，而今次拍《金宵大廈》嘅2，3場嘅時候都唔需要，一講到圍繞親情嘅時候，眼淚就『巴巴聲』咁流。」
好多人都期待緊《金宵大廈》播映。（黃國立攝）
Gloria表示原來每次拍喊戲，很自然就會聯想到父母照顧她的情景：「喺我人生道路上，我爸媽係做咗好多嘢，付出咗好多，（諗返起嘅時候）就可以令我一秒就喊。」感動事多到數不清，但有一件事是令Gloria最為深刻。「嗰陣我喺外國讀緊書，因為某一啲原因，人生第一次連續喊足2個鐘，我都唔知原來一個人可以有咁多眼淚，我仲記得嗰時媽咪坐係我對面梳化陪我一齊喊，因為佢見到我喊到講唔到嘢。嗰一幕好深刻，兩母女坐咗喺個廳度喊咗兩個鐘。」
Gloria同父母感情好深厚。（黃國立攝）