【深宮計】張文慈拍劇當眾灑淚純屬誤會:嗰幾日有內心戲

撰文:林迅景
出版:更新:
張文慈昨晚出席《宮心計2深宮計》飯局。(林迅景攝)

《宮心計2深宮計》中張文慈飾演汪司膳,雖然角色戲份並不是最重的一位,但她與尚宮局4位尚宮互有不同,又確實令觀眾留下深刻印象。張文慈今次是首次演出古裝劇,自然是「落足心機」,她説:「古裝對我有啲難度,始終我把聲唔夠尖,再加上笑容、做手真係唔識,所以開工頭幾日真係唔慣㗎。」

張文慈今次係第一次古裝,但係睇落又做得幾自然喎。(劇照)

對於有網民挑剔張文慈聲線似「男人聲」,她就十分豁達:「唔使睇呢套劇啦,睇我以前啲劇都知我把聲沉。試過有一次有電話打嚟,我話:『喂』對方就開口講:『張生』添。其實我都唔係第一次俾人話我把聲沉,都接受咗呢個就係我把聲。(如果有網民話你男人聲你會介意?)冇辦法,但係亦都有人讚我把聲獨特,呢個亦都係我特別之處。」

昨晚張文慈出席《宮心計2深宮計》飯局,一眾演員都有出席。(林迅景攝)