周杰倫囝囝Romeo一歲抓周 昆凌混血細佬曝光
撰文：冼燕珊
出版：更新：
台灣天王周杰倫嘅一對仔女，Hathaway 同 Romeo 分別已經兩歲同一歲了，日前父親節，周董同老婆昆凌邀請親朋好友，包括昆凌嘅爸爸同細佬、周董好兄弟劉耕宏一家，一齊為一對仔女慶祝生日。在派對上，周氏夫婦為囝囝Romeo 舉行傳統嘅抓周儀式。
周杰倫同太太昆凌日前為一對仔女舉行生日PARTY。(微博圖片)
生日派對現場嘅佈置非常繽紛，以環遊世界為主題，仲有一條飛機跑道，背景有一個有齊全家英文字母開頭嘅Logo，包括J (Jay)、H(Hannah、Hathaway、R(Romeo)，非常有心思。昆凌喺IG 晒出同爸爸細佬嘅合照，粉絲留言大讚昆凌細佬靚仔，話晒都係混血兒，五官精緻，人又生得高大，絕對有條件出道呢！相中昆凌手抱囝囝Romeo，但就為囝囝遮上一個黑超圖案，免得真面目曝光。
昆凌晒出同爸爸細佬合照，細佬被大讚高大靚仔。（IG圖片）
Romeo 滿周歲，根據習俗，要進行抓周儀式。（微博圖片）
根據習俗，BB 滿周歲就會舉行抓周儀式，雖然抓周喺香港唔係太流行，但台灣人依然好重視呢個傳統。王婉霏在微博晒出Romeo抓周的照片，唔知道Romeo最後拎起啲咩呢？抓周是預卜嬰兒前途的習俗，最早可追溯至魏晉南北朝，在東亞一帶國家，包括中國、日本、韓國，都有呢個習俗。
+5