甄子丹激罕曬長子合照 每次見仔仔都要透過律師同前妻預約

撰文:
最後更新日期:

甄子丹不時曬佢一家四口嘅合照。

「宇宙最強」甄子丹唔止事業發展得十分成功,仲有一個溫馨幸福的美滿家庭,而他亦不時於instagram上載一家人包括老婆汪詩詩,以及一對仔女甄濟如與甄濟嘉的靚相同大家開心share。昨日的父親節,子丹也有放他與仔女的合照上ig,相中除了他和詩詩所生的一對仔女之外,還有另一個小朋友。而呢個小朋友就是子丹與他前妻梁靜慈所生的大仔甄文焯。子丹留言表示:「I'm the luckiest father in the world!」簡單的一句已睇得到他有幾咁錫他的仔女,難得可以同三個仔女一齊慶祝父親節,子丹一定好開心喇。

子丹激罕曬佢同大仔嘅合照。

其實子丹鮮有公開他與大仔文焯的相,文焯今年23歲,但子丹於ig咁樣曬兩父子的合照都係第一次。相中的文焯雖然同細佬妹一樣戴住太陽眼鏡,不過仍然可以見得出他的輪廓同樣貌都似十足子丹,直情好似是見到年輕時的子丹咁樣。其實文焯是跟母親梁靜慈一起生活的,跟子丹見面的時間唔多。

子丹好錫現任老婆汪詩詩同一對仔女。

子丹與現任老婆汪詩詩結婚多年以來一直勁恩愛,是大家眼中的好老公兼好爸爸,但他對於前妻來說卻並非如此。子丹於93年與拍拖不足一年的前妻梁靜慈結婚,兩人的婚姻只維持了一年便告離婚收場,梁靜慈卻是於離婚後才發現懷有文焯並決定要把仔仔生出來,而子丹亦有支付生活費予他們兩母子。子丹曾在訪問中表示自己絕對無做對唔住前妻的事,又指自己每次見文焯都要經律師預約,且前妻每次都不遵守約定。文焯現已長大成人,相信兩父子要見面一定易好多。

子丹喺詩詩眼中絕對係好老公同好爸爸。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。