Gin Lee紅館處女騷　努力Keep Fit忍口以最佳狀態示人

歌手李幸倪（Gin Lee）將於本週末（23、24日）舉行首個紅館演唱會，Gin Lee亦為了今次處女騷努力排舞及健身，望以健康性感形象示人：「今次啲服裝比較少布，所以我依家只可以食白烚嘅野，又要練舞keep住身形。」自信爆棚嘅Gin Lee仲話自己「不嬲性感開」！

Gin Lee更邀請了父母及小學同學來欣賞演唱會，Gin Lee笑說他們都明白這是「非常時期」，平日盡量不在她面前食好野「引誘」她。迎來第一次紅館騷，Gin Lee都話有緊張，不過期待同興奮嘅心情就大啲：「好想演唱會快啲黎，因為完左之後就可以瘋狂食野！」盡顯Gin Lee的「吃貨」屬性！

另外，Gin Lee表示演唱會有三大必睇位：「第一，今次請左隊國際知名嘅band黎，能夠同佢地合作係我嘅榮幸。第二，今次演唱會揀左『花』做主題，除左因為我本身鐘意大自然，仲有希望我第一次紅館騷可以像鮮花一樣綻放。全個騷嘅佈置，設計同服裝都有花嘅元素係入面，我自己都覺得好靚。」最後一個亮點係Gin Lee邀請左多於一個音樂單位做神秘嘉賓，話到時要比粉絲一個驚喜！好興奮啊，星期六快啲黎啦！