陳展鵬上《美女廚房》戰戰兢兢：唔知自己腸胃承唔承受到
撰文：吳子生
出版：更新：
陳展鵬現身電視城為無綫《美女廚房》進行錄影做嘉賓。早前張振朗在節目中試食，不幸痾足成兩個星期，今次展鵬為節目試食，又擔唔擔心遇到地獄廚神呢？展鵬坦言:「真係心大心細，要睇下當時自己腸胃承唔承受得到，最近抵抗力都ok，都可以頂得下嘅。」
原來陳展鵬煲湯有一手。（葉志明攝）
講到煮野食，展鵬大讚身邊女友單文柔，話佢中西餐都識煮！展鵬表示：「自己唔食牛，喜歡食清淡啲嘅中餐，有時候都會同單文柔溝通，點樣煮會更加好食，過程係開心嘅。」
單文柔表示自己煮野食方面，可以有進步空間。（葉志明攝）
+14
而單文柔笑說：「自己滾湯就叻，煲湯就要交畀展鵬。」展鵬即說：「其實滾湯仲難過煲湯！」一人一句真係好恩愛喎！