Coffee林芊妤正式做人妻 舉行簡約完美婚禮:全晚有笑有淚

撰文:
最後更新日期:

Coffee喺6月19號正式成為翟師奶啦﹗(林芊妤IG)

2018年對Coffee林芊妤相當重要,事關佢喺一年內面對兩大人生轉變,成為人妻及成為人母。陀住5個月BB嘅Coffee,同拍拖3年嘅銀行高層男友翟志榮,喺6月19號正式簽紙註冊結為合法夫妻。雖然未有大排筵席,但佢地由心而發嘅笑容就睇得出,翟生翟太有幾咁幸福。Coffee話:「這是我一直幻想的完美婚禮。」佢接受《香港01》訪問時話:「今次只係擺3圍邀請家人,註冊時都有眼濕濕。」

註冊儀式於金鐘一間酒店中舉行,聽到丈夫宣讀誓詞,Coffee都相當開心。(林芊妤IG)

會場放上唯美婚照油畫作裝飾。(影片截圖)

幸福人妻Coffee自懷孕後,一路Keep住做運動,明明19號下晝仲見到佢上載健身室跑步嘅短片,輕輕鬆鬆好似平日咁,點知原來夜晚就舉行註冊儀式,連妝頭都係自己攪掂,果然好簡約:「早上起床就在電腦前工作,然後和男朋友吃個早餐,下午去了gym room跑個步,再回家自己化了個淡妝,接著就出發去結婚晚宴啦!因為我們都喜歡簡簡單單,也認為結婚是很簡單的事情,所以全場只有我們的家人和我的幾個好姐姐們。」

結婚前幾個鐘Coffee仲走咗去做運動。(影片截圖)

Coffee嘅簡約婚紗中間縷空暗地裡性感。(林芊妤IG)

陀住5個月BB嘅Coffee著上大露背掛頸白色婚紗,看似密實其實中間係縷空設計,配上Coffee自己操刀嘅簡約妝容非常合襯。而新郎哥著上深藍色西裝未有戴領帶,整個婚禮堅守隨性又簡單嘅主題。Coffee話:「簽紙及婚禮晚宴是同步的,全晚有笑有淚也很感動,沒華麗舞台但全是珍貴的畫面。這是我一直幻想的完美婚禮,最重要是兩家人都很高興,這是我們最想看到的,婚禮也在愉快和笑聲中完結。最遺憾是沒有請我的朋友們,希望你們會體諒我喔。待我的兒子出世時再宴請你們。」仲向老公發表愛的宣言話:「由現在開始我就是翟師奶了,不過我還是會當你是我男朋友,永遠像熱戀一般甜蜜。」

佢地只邀請咗3圍親友出席見証。(IG圖片)

結婚最緊要係一對新人開心,Coffe同丈夫成功舉行一個心目中嘅婚禮。(林芊妤IG)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。