陳法拉美國獲安排試鏡:好似打機過關

撰文:
最後更新日期:

剛於美國完成戲劇碩士課程嘅陳法拉,今日飛返香港出席時尚活動,法拉早前跟美國荷里活金牌經理人United Talent Agency(UTA)的Brian Swardstrom簽約,做奧斯卡影后法蘭西絲麥杜文(Frances McDormand)同門師妹。

法拉今朝5點返到香港,馬不停蹄出席活動。(黃國立攝)

法拉今朝凌晨五點落機,點解時間預到咁趕? 因為她忙著試鏡,法拉說:「嗰邊有時Last minute先send 劇本嚟做casting,所以預喺美國嘅時間鬆動啲。」問到係試哪些角色,法拉形容係蒙住眼擲飛鏢,好似新人咁由頭做起,不過話晒都係跟著名經理人,所以啲角色有經過篩選,都係值得做的角色。

 

法拉形容試鏡就好似蒙住眼擲飛鏢一樣。(黃國立攝)

不過法拉就話暫時仲未收到好消息,佢坦言有時都會有啲氣餒,但同時認為係一個好好的學習機會:「試鏡就好似打機咁要過好多關,有時連合約都傾埋,但最後電影公司都係揀咗其他人,但都係一個好好嘅學習經驗,都幾得意。每一次做完都會想做得更好,有時呢個試完未有消息,咪試下一個囉。」雖然簽咗美國經理人,但法拉都不忘香港觀眾,佢透露今朝一落機就見咗個導演,嚟緊都有一啲香港嘅作品傾緊,所以大家唔使擔心!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。