Lay@EXO忙到暈！拍《極限挑戰》途中不適急入院
撰文：鄺鈺瑩
出版：更新：
Lay由錄影現場被送到醫院期間，全程臉色蒼白，眼都無開過，見到都辛苦。（網上圖片）
既要綜藝、又要拍劇拍戲，兼有演唱會，Lay(右)同女團f(x)成員Krystal合作的《閉嘴愛吧》前日煞青。（網上圖片）
由羅志祥、孫紅雷等人主持的《極限挑戰》昨晚播出最新一集，節目一開始先係幾位主持人準備試食，期間EXO成員張藝興（Lay）突然表示要去洗手間，未幾鏡頭一轉，已經係Lay暈倒地上的畫面，黃渤即時背着他到房間休息。
經商議後，決定送他到醫院，只見Lay全程臉色蒼白，就連達醫院後，都要用輪椅代步，看似十分虛弱。由於事出突然，令劇組擔心會影響拍攝進度，但Lay在醫院休息數小時後，就馬上出院再次投入拍攝，並且頻頻道歉。
有指Lay之所以暈倒，係因為食物中毒，但《極限挑戰》的人員就澄清話係：「其實是他太累了，那段時間一直拍戲、演唱會同步進行，又忙於發布會，拍攝節目前一天到達三亞時已經很晚，他吃了東西有點不舒服。」其實Lay自從在中國成立個人工作室之後，工作一直未有停過，早前拍攝電視劇《老九門》時，更試過墮車受傷，要馬上停工返韓國就醫。