【多功能老婆‧有片】周柏豪演有錢仔俾人打：最緊要唔好整親塊面
撰文：翁漢瓏
出版：更新：
今日（21日）周柏豪出席活動時，表示正忙於拍攝大台新劇《多功能老婆》。佢就話今次飾演嘅角色同《使徒行者2》有好大分別：「今次我係做一個有錢人，唔係好打得，之前拍《使徙》就打得人多，今次就輪到我比人打！」
柏豪今日盛裝出席Givenchy宣傳活動。（葉志明攝）
拍打戲點會無風險，柏豪表示：「之前同黃嘉樂係街拍咗場打戲，都整傷少少，不過男仔有啲𠝹損整親都好閒，不值一提。」柏豪受傷，老婆有冇擔心？佢就話：「男人受傷好小事，唔使特登同老婆講，最緊要唔好整親塊面，搞到影響工作就得。」
柏豪笑言自己之前拍《使徒2》打得人多，今次輪到自己比人打。（葉志明攝）
近年柏豪都多咗拍劇，係咪想向電視圈發展呢？柏豪都好開心咁話：「我真係幾享受拍劇，因為可以得到好多之前做演唱會或者出碟俾唔到我嘅經驗，而呢啲經驗又可以互相幫補，幫到我好多。」
「大男人」柏豪表示男人受少少傷好閒，最緊要唔好整親塊面。（葉志明攝）