李君妍成TVB「親生女」:上年已經叫我簽約 

撰文:
最後更新日期:

李君妍三月尾時候成為TVB「親生女」。(賴家杰攝)

動漫節記者會上有一位TVB動漫大使-亦都係Godlike Girls之一,佢叫李君妍,大家可能都會時常係TVB劇集見到佢,但又叫唔出佢叫咩名,而最近佢終於成為TVB「親生女」,簽約成為旗下藝人,雖然以往佢都有喺TVB拍劇,但始終唔係「親生女」,機會都未必有其他人咁多,3月尾時候終於簽約,對於君妍嚟講無疑係十分高興嘅事情,「其實都唔係第一次叫我簽,上年時候已經有叫過,連續兩年都有問我,咁自己覺得可能佢哋真係睇到我有進步,睇到我有能力,咁就叫我簽約,對我嚟講都好大肯定。」

簽約後會唔會多咗好多發展機會呢?君妍表示其實仲未知道:「因為之前未簽約時候都拍緊公司劇,所以宜家有一個轉折位,仲未知道。」所以宜家君妍暫時處於未知道嘅情況下工作,不過佢都講到公司都唔會好確實同自己講會有一套大劇,妳做女二啦咁樣,對未來佢自己都唔太肯定。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。