【深宮計】陳煒玉女照絕密曝光　仙氣級美女天然美無瑕疵

《深宮計》早前喺內地點擊率破10億，馬浚偉同胡定欣都分別晒童年裸照賀好成績，而當時陳煒亦有上載童年照，並寫上「一個甩牙肥妹同大家say good night」，話咁快，《深宮計》大陸收視貼近20億，身為太平公主的陳煒預先「找數」，於微博上載一系列的「太平公主成長記」珍貴童年相，並感謝大家的支持。在這一系列的相中，BB時期的陳煒眼大大、加上面圓圓似足公仔一樣；到長大後，一把烏黑長髮令佢於朋友中更為突出，而股仙氣更係湧住咁散出嚟。唔少網友睇完呢批絕密照之後，都不禁大讚陳煒「由細靚刑大」、「天然美，無瑕疵」。