【有片】江美儀轉簽部約：之前經理人出去跑完同TVB撞期我會忟！
撰文：朱奕錦
出版：更新：
江美儀周六（6月23日）以一身黑白間條連身裙出席活動，分享買樓心得。
早年她以幾百萬為父母買樓，家陣已經過千萬，美儀姐直言如果要再添物業都好難，所以要再勤力些賺錢。
美儀姐早前和TVB改簽部頭合約，率性十足的她笑言：「因為我想搵多啲錢呀嘛！」每個人要走出舒適圈並非易事，所以她坦言自己在決定前已經過深思熟慮：「我都係想拍下出邊嘅嘢，因為而家好多唔同嘅媒體都有佢哋嘅製作，都想出去吸收下人哋（經驗），望下出邊嘅世界囉。」
江美儀近日出席活動時，坦言要離開TVB需要不少的勇氣，自己經過深思熟慮的同時，經理人都給了自己好多信心。（梁碧玲攝）
外闖不合適或再返無綫
美儀離開TVB需要不少的勇氣，她自認現時還有氣有力，所以都想出去闖一闖，嘗試一些新事物：「我經理人畀好多信心我，佢話唔使驚啦，我哋兩個一齊去闖呢個江山啦，就算你闖完你都係覺得唔適合，你返番TVB都唔係一個問題，我都覺得呢個Advice唔錯，咁我同TVB有共識嘅，就呢幾年都拍住部頭先囉。」
離開TVB之後，美儀姐在拍劇、接洽工作上能掌握主動權，自由度大了好多，在工作的安排上都會方便好多：「譬如我經理人出去跑完之後，結果同TVB撞期，咁會忟㗎嘛，好激氣，不日調返轉啦，我哋出去跑，你啱時間OK嘅，咁我返番嚟拍，我其實想咁樣。」
美儀姐稱自己想掌握工作的主動權，在拍戲、接show方面自由度都會大好多。（梁碧玲攝）
走訪大馬街市開眼界
美儀姐有份拍攝的TVB生活資訊節目《街市遊樂團》，受到觀眾的熱烈迴響，更衝出香港，去到大馬拍攝。現在內地都有不少真人Show的節目，美儀姐表示自己都有興趣參加，無論拍攝的每一個角色或者節目都是一種人生經歷：「今次我哋去咗馬來西亞，先發覺呢個世界這麼大，你真係好多嘢都估唔到，譬如馬來西亞嘅街市佢淨係開上晝，下晝唔開嘅，同埋佢哋冇新鮮魚賣，咁所有嘢都要去到，你要見到先知。」
美儀姐稱自己沒有演過經常，每一個角色和經歷都會令自己獲益良多。（梁碧玲攝）