【專訪‧有片】俄仔Ansheles返歸全裸焗桑拿:動作太大要打格仔!

撰文:
最後更新日期:

講得一口流利廣東話的「俄仔」Ansheles,早前聯同三位fans回到俄羅斯同媽咪見面,一盡地主之誼。他們分別去到莫斯科、索契(Sochi)和喀山(Kazan),同大家介紹三地的旅遊文化。

雖然今年的世界盃在俄羅斯舉辦,但「俄仔」坦言,其實俄羅斯人並不是好熱衷踢波,他們擅長的是和冰相關的運動。講到今次的拍攝體驗,俄仔透露自己嘗試了好多平時不會做的事:「例如Bungee Jumping,因為本身我好畏高,一有相機,我咩都唔怕喇,喺索契Bungee jumping,索契有一個全世界最長嘅Bridge,有好多唔同嘅嘢玩,Swing,睇咗啲俄羅斯傳統嘅服飾。」這是不是傳說中的偶像包袱呢?

俄仔今次攜fans一齊返到俄羅斯,同媽咪見面之餘,還一盡地主之誼,去到莫斯科、喀山、索契三地遊玩,介紹三地的特色。(ViuTV提供)

再見初戀勁尷尬 母校為俄仔驕傲

今次節目還去到「俄仔」的學校拍攝,其中一個特別之處,要數和初戀多年之後的再次見面,不過兩人一直都無聯絡,所以「俄仔」都覺得好尷尬。其實這位初戀一直都有關注俄仔的動態,令「俄仔」吃驚的是,原來整個學校都知道「俄仔」在香港的事業,為他感到驕傲。

俄仔透露這次去到學校拍攝,見到自己的初戀,直言覺得好尷尬。(梁碧玲攝)

幕前焗桑拿除埋底褲 俄仔笑言要打格仔

俄仔今次在節目中還會「犧牲色相」,事關他們去Russian sauna,儘管有毛巾「傍身」,不過俄仔就大爆自己時常不記得有相機:「本身畀咗一條毛巾我啦,但冇同我講使唔使除底褲,但係我照除啦,因為係桑拿呀嘛,我唔記得其他人要拍,有時動作會比較大啦,所以我覺得好多佢哋都會打格仔喺度,因為有陣時會見到一啲唔應該見到嘅嘢。」聽了俄仔這番說話,相信大家會自動「屏蔽」格仔喇。

俄仔大爆自己在節目中全裸焗桑拿,笑言自己動作好大,節目出街要打格仔

俄仔不愛俄菜 薯仔餡餃子食完便秘

其實「俄仔」已經成十年沒有返去過,在俄羅斯幾乎沒朋友,隔了這麼多年,「俄仔」都表示自己會懷念家鄉的天氣和甜品:「有一種入面係cheese,出面有啲朱古力皮啦,當作係甜品,掛住呢啲食物,因為喺香港食唔到。」

拍攝期間,日日都要吃俄羅斯菜,「俄仔」就大呼自己和crew都好不習慣:「俄羅斯人又唔食飯,但係我哋喺香港呢一定要食麵或者飯先得嘛,我而家已經變咗一個香港人,唔食飯我唔會滿意,跟住食好多澱粉質,好似餃子,我哋平時嘅餃子會有肉或者菜,佢哋係餃子入面有薯仔,用澱粉質包住澱粉質,食完之後飽到想嘔。」俄仔笑言因此導致有些工作人員無法去廁所,認真辛苦。

雖然適應不了當地的食物,但俄仔就好喜歡俄羅斯的天氣,聲稱就算零下20度,感覺不到手手腳腳,只要keep住喜歡冬天的意念,就會好enjoy。不過香港這般熱辣辣,所以俄仔直言好辛苦:「成日都會出汗,屁屁會出好多汗,著好薄嘅褲就會見到出汗。」如果遇到酷熱天氣警告,俄仔就說自己不會出街,就算出去都會好快去一個有冷氣的地方,相當怕熱。

想知道更多有關俄仔的趣事,不如click入片睇下。

+7
+6
+5


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。