【天命】宦官角色原來個個搶住做 御用公公陳榮峻演足30次公公
撰文：林迅景
出版：更新：
《天命》昨晚剛播出第一集，劇中角色除了有譚俊彥（嘉慶皇帝）、陳展鵬（和珅）、唐詩詠（豆蒄）等，還有其他常見的綠葉演員，其中陪伴乾隆帝（張國強飾）的曹進喜公公，就是有「TVB御用公公」之稱的陳榮峻。沒錯，今次他又是飾演宦官角色，次數之多，就連他本人也說：「真係無數咁多，自己冇記，完全記唔晒。」
陳榮峻做宦官真係好似。（黃國立攝）
說起公公的「第一次」，陳榮峻：「我記得個監製同我講：『喂你唔夠show喎，嗱，你就做呢個公公啦，做公公就多啲show，如果唔係公司就會迫你還show，甚至乎就係咁先。』自始之後，有公公嘅戲都係搵我做公公。」陳榮峻又説起，甚至乎《宮心計2深宮計》的監製，最初也是傾向找他做回「老本行」的。
宜家無論陳榮峻做咩角色，都好公公咁。（黃國立攝）
常言道：「有過第一次就梗有第二次第三次」，陳榮峻粗略估計，他演戲生涯中，就差不多當了30次公公。問起陳榮峻喜愛飾演「公公」的原因，他笑說：「（做公公）OK㗎，點解呢？因為男演員個個都唔鍾意黐鬚，做公公就唔使黐鬚，所以公公嘅角色好多人爭住做㗎，所以如果做得唔好有咩差池，（下次）就冇得做㗎啦，做公公係好嘢嚟㗎。」
原來「公公」大家都爭住做。陳榮峻仲話：「做公公好嘢嚟㗎。」（劇照）