蕭敬騰3萬呎豪宅好富貴 陳奕迅笑言輕鬆入手：唱兩個字就有了
撰文：鄺鈺瑩
出版：更新：
聽到蕭敬騰豪宅價錢之外，陳奕迅呢個表示可以解作為「吓！唔ｘ係嘛」（影片截圖）
第29屆金曲獎完美落幕，陳奕迅三度封歌王，連佢都忍唔住讚自己：原來幾勁。在金曲獎的慶功宴上，被問到同為歌王的蕭敬騰主持功力如何時，陳奕迅就話好好好，但突然話題一轉，反問台灣媒體：「他是不是很有錢？」見到大家未搞清楚狀況，陳奕迅就馬上補充：「因為我看到金曲獎那影片，到他家，我很佩服他，讓人拍他的家，我不會讓人拍，是我最私人的地方……」
單睇畫面，會以為蕭敬騰身處某渡假勝地，但其實佢之不過身處自己豪宅……（影片截圖）
對比起蕭敬騰豪宅個大泳池，陳奕迅屋企呢個……真係洗腳池級別。（網上圖片）
聽到陳奕迅不地讚嘆蕭敬騰豪宅乜都有，記者朋友就提議佢都可以在當台灣入手，更指蕭敬騰的五層豪宅價值一億，屈指一算，大概係兩千幾萬港幣，對於「兩千多萬」呢個數字，陳奕迅似乎覺得非常之不可思議，更一而再反問，並好快咁流露出羨慕的眼光，聽到記者朋友指「你唱兩場就有了」，更馬上大笑「唱兩個字就有了」，之後更解釋比當地媒體聽一億台幣喺香港只能夠買到套房……
陳奕迅2013年斥資2.3億購入壽臣山豪宅地段Shouson Peak獨立屋，樓契只落太太徐濠縈的名。（網上圖片）
陳奕迅之所以眼都凸，其實係因為佢依家所住的壽臣山SHOUSON PEAK獨立屋，於2013年時以逾2.31億購入，3千2百多平方尺，有前後花園、私人泳池同車位，真係唔少人嘅dream house；但鏡頭一轉，睇睇蕭敬騰嘅3.5萬呎豪宅，有畫廊、超級大泳池、籃球場、停車場、電梯……講緊都係2千幾萬港幣，真係蚊髀同牛脾……而更甚的是，有傳當年陳奕迅為供呢層2億豪宅，一年唱過百場演唱會，最後搞到聲帶出事……
+8