【世界盃】C朗近9000呎豪宅曝光 唔只有泳池仲有足球場

撰文:
最後更新日期:

世界級足球巨星、葡萄牙翼鋒C朗拿度(Cristiano Ronaldo, C朗),在世界盃的表現令人震奮,在首場分組賽中一人之力對戰西班牙,個人貢獻三球,不負球皇之名。C朗現年33歲,不僅是當代最出色的球員,亦是世界上收入最高的運動員之一,名利雙收。他在馬德里有一座豪華獨立屋佔地8,600平方呎,價值高達5,510萬港幣(其實對比香港樓價算勁平)。

獨立屋由著名建築師Joaquin Torres設計,除了基本的客廳飯廳之外,共有7間臥房、8間浴室、還有健身室、獎盃展覽廳、迷你足球場和泳池。

Come on,一齊嚟睇吓C朗間豪宅。(IG圖片)

門口

C朗家的門口印了他的名字Cristiano Ronaldo的縮寫CR,好難唔知係佢屋企。

客廳多鏡,方便C朗隨時照鏡,保持最佳儀容形象。(IG圖片)

客廳

C朗非常注重形象,所以客廳有很多鏡面的設計,除了牆壁,連相框都係鏡面的。色彩基調採用增強明亮感的白色及黃色系,配以黑色傢俱,增強對比,擺設有水晶吊燈、花卉等,還有一些陶瓷動物,C朗說他很喜歡其中有一隻斑點狗陶瓷擺設,因為貪佢唔識吠。(係呀,佢話休息好緊要,所以唔想有動物嘈住佢掛。)

C朗飯廳。(IG圖片)

飯廳

C朗一向重視家庭,飯廳張飯檯當然要有返咁上下大,咁就方便成家人一齊圍埋食飯。C朗更說他大部分日子,一日三餐都在家解決,所以飯廳好重要。

C朗偏廳(IG圖片)

偏廳

平時用嚟招呼朋友,一齊傾吓計,飲吓嘢,Chill 吓,目測可以同時招呼二十人以上。

C朗最重視睡房。(IG圖片)

睡房

C朗個睡房仲大過個客廳,佢話睡房係最重要嘅地方,因為要發揮好的表現就要瞓得好。

作為一個球皇,屋企點少得健身室。(IG圖片)

健身室

C朗之所以能在足球壇上保持佳績,全因佢對自己的體能有超高的要求,屋企整個健身室好基本啦,唔係點Keep得咁好,佢話過:「雖然我 33 歲,但我感覺我的身體就像 23 歲般。」所以有個健身室好重要。

小型足球場(IG圖片)

迷你足球場

要保持最Fit嘅狀態,做完Gym,就梗係要即刻練埋波啦。

C朗獲獎無數,屋企有埋獎盃展覽廳。(影片截圖)

獎盃展覽廳

眾所周知,C朗獲獎無數,同時係一個很好勝嘅人,獎盃展覽廳除咗可以滿足佢嘅虛榮心,亦同時鞭策佢時刻保留最好嘅狀態,繼續超越自己。不過C朗之前開咗間個人博物館,公開展覽自己啲獎盃,相信屋企用嚟放獎嘅位已經細咗好多。

爆肌同泳池都係一個「標配」。(IG圖片)

泳池

豪宅嚟講,泳池好基本啦。

【世界盃】英格蘭入6球 ViuTV破最高收視紀錄好威風

【世界盃】日本雜誌票選世界級遺產美男球星 C朗只係排第二!

[韓國小姐.多圖]被轟大媽都參加 靚泳衣不用$260人人可以做佳麗

大馬小姐官方公開佳麗零P圖照流出 網民:似大媽選美多啲



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。