【詭探前傳】鄭欣宜樂意夥拍秋官但有條件:我唔拍得靈異嘢!

撰文:
最後更新日期:

鄭欣宜擔任活動「星級大師」,遺憾腳傷不能參與慈善跑,但會盡力出席支持活動。(陳順禎攝)

鄭欣宜(Joyce)在迪士尼出席一個慈善跑記招,現場同小朋友大跳熱身舞,氣氛熱鬧。身為活動「星級大使」的Joyce直言今次的活動好有意義,但是遺憾腳傷問題無法參與跑步,不過她表示如果有檔期,就算不能跑也要來參加活動,相當積極。近日Joyce前往大馬宣傳新歌兼錄製綜藝節目《看見你的聲音》,見到大馬有這麼多支持自己fans,令她都覺得好驚喜:「因為我對上一次去都係兩年前啦,原來喺大馬嘅電台,佢哋好支持我嘅音樂啦,咁真係有好多朋友係好熱情,又送禮物畀我,又送嘢食畀我,又寫情書畀我咁樣,It’s really sweet。」Joyce希望可以在大馬舉辦演唱會,她透露現時正在商討中,看來大馬的fans好快可以再飽耳福。

Joyce透露自己好怕靈異的東西,連合約都有寫埋,笑言自己想象力豐富。(陳順禎攝)

其實Joyce對綜藝節目好有興趣,因為可以和不同的人接觸,過程好開心,沒有什麼壓力,可以盡情「玩」。其實Joyce好想做真人show,什麼類型都OK,但前提是不影響她做音樂:「因為我而家返咗嚟啦,都在繼續錄新歌,拍MV,因為對上一次隻碟都已經隔咗3年喇,所以希望喺19年嘅年頭可以出到囉。」早前秋官在ViuTV劇集《詭探前傳》的新聞發佈會跳舞,Joyce說自己好擔心,還叫大家睇住,不要讓爸爸「亂來」,認真乖女!如果邀請她和爸爸一齊拍攝,她都表示好樂意:「好似有傾過下,但係我就唔搞靈異嘢嘅,我同我經理人公司嗰份約係寫住我唔可以搞呢啲,因為我真係好驚,可能因為我一個人住呢,我想象力又好豐富,所以唔得。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。