【扶搖】35歲阮經天學韓星賣肉 粉絲傾倒精鋼型Body

撰文:蘇國豪
出版:更新:

有睇電視劇的觀眾都知道,近年唔少劇集都見到男星賣肉嚟吸收視(韓劇更甚),睇到觀眾目不轉睛口水直直流,成為大家茶餘飯後必講話題。而熱播中的內地劇《扶搖》都跟上玩這呢一招,飾演長孫無極的阮經天(小天)就在最新一集中大Show強勁肌肉,360度無死角任晒,睇到電視友嘩嘩叫現心心眼,更Over睇到大家「我死了」,令人哭笑不得。

小天因為呢套劇再次人氣急升。(網上圖片)

靠《扶搖》人氣再次急升的小天,大好身材又為他加了唔少分。在最新一集中,他原本在自己的宮殿更衣,沒想到此時在密室出現的扶搖(楊冪飾)就來到他宮殿,事後被小天發現此時就開始大Show肌肉。第一個鏡頭就先脫去上衣,展露完美背肌線條分明,用其衣服遮掩楊冪眼睛,及後因為國公齊震(劉奕君飾)懷疑有刺客入了小天宮殿就開始搜查,小天此時就為了楊冪不被發現就安排她上自己床,而在這一刻小天就仰床單手臥頭大晒二頭肌同胸肌,肌肉線條分明,整體顏值再次提高,若無其事的模樣令國公放棄搜查。

小天大晒自己的背肌。(網上圖片)
唔同角度露肉。(網上圖片)

原以為賣了約3分鐘的肉就已經交晒貨,沒想到及後連衫都冇穿又同楊冪打咬,成個人將楊冪抬起在自己肩膀上,呢個畫面似足劉德華在國語歌《真永遠》的孭樹畫面,如出一轍十分好笑。打咬時不時展現自己二頭肌﹑胸肌﹑腹肌﹑背肌的男人力,前前後後賣了約5分鐘肉,相信是中港台韓男星之中,露得最長時間一位冠軍真是非他莫屬。

呢個畫面好似劉德華MV。(網上圖片)
呢個Pose經典不敗啊!(網上圖片)

過去見到男星露肉,事實上大部分男星呈現出來的身材都係好大隻,就好比韓星朴敘俊胸前肌肉特別大﹑羅仲謙練到似比賽型選手凡等,當然有人喜歡又有人不喜歡。而剛好小天就唔屬於呢一種,身材屬於精壯型的他,就練得剛剛好絕對係穿衣顯瘦脫衣有肉的人,睇到電視友臉紅耳赤「忍不住多看一眼」「身材真心不錯」「誘惑死人」…令人不得不愛上他晉升為男神。

小天的精壯身材令粉絲睇到臉紅。(網上圖片)

以下係小天多角度Show肌畫面:

+1