【大廚出馬】黃宗澤親自下廚 龔嘉欣：唔開店太可惜
撰文：冼燕珊
出版：更新：
在電視台拍劇，演員日對夜對，見得仲多過屋企人，唔少人都因此而變成好朋友，一眾《幕後玩家》演員日前就搞咗個Gathering，由廚藝高超嘅黃宗澤（Bosco）擔當大廚，煮返兩味畀大家嘆吓，其他出席嘅台前幕後包括黃翠如、蕭正楠、龔嘉欣、鄧佩儀、莊思敏及監製陳維冠。
Bosco 新居剛剛裝修好，近日招呼《幕後玩家》一眾演員及監製上嚟house warming。（IG圖片）
因為 Bosco 新居剛剛裝修好，所以近來招呼唔同朋友上嚟house warming，呢日就輪到《幕後玩家》一眾演員及監製，Bosco親自下廚，煮出四餸一湯，賣相非常吸引，有花心思擺碟，真係隔住個mon見到都覺得肚餓。龔嘉欣食完都回味無窮，留言讚不絕口：「波波私房菜名不虛傳，真的好好好好好好吃，有姿勢有實際，不開店親手下廚太可惜了。」
連擺碟都好有心思！隔住個Mon見到都想食！（IG圖片）
Bosco 煮嘅菜唔只睇得仲好有內涵，堅有大廚功架！點擊圖片睇更多 Bosco 圖片：
+4