【深宮計】周秀娜被TVB封殺缺席宣傳 與陳煒劉心悠戲外重聚
撰文：冼燕珊
出版：更新：
TVB劇集《宮心計2深宮計》熱播，在劇中飾演鄭純熙的周秀娜懷有龍種，但將被皇后設計陷害而流產。雖然在翡翠台仍然可以見到娜姐，但因為蕭定一公司同無綫有錢銀官司關係，娜姐因而受牽連，除咗開鏡時有參與過宣傳，之後都缺席所有宣傳活動，之後更有傳娜姐嘅戲份被刪減，不過總監製梅小青之後就澄清唔會刪減娜姐戲份。
因為所屬公司同TVB有錢銀糾紛，周秀娜因而受牽連，缺席所有《深宮計》宣傳活動。
戲內在深宮之中勾心鬥角，戲外同樣波譎雲詭，因為公司之間的利害關係，藝人因而受到影響。不過幸好近日藉著樂易玲的生日Party，娜姐同《深宮計》另外兩位女主角，陳煒同埋劉心悠終於得以碰頭，當中娜姐同煒哥仲喺 IG 分享合照。鄭昭儀、太平公主同玲瓏公主聚首一堂，煒哥說好像「穿越了」，而娜姐則留言說：「元玥、舅母終於見到妳們了，參見兩位公主。」
拍完《深宮計》之後，因為娜姐被TVB封殺，大家都好難有機會碰面。今次藉著樂小姐嘅生日party，鄭昭儀、太平公主同玲瓏公主聚首一堂。(IG圖片)
劇中的好姊妹，鄭昭儀和兀玥。（IG圖片）
周秀娜獲邀出席樂小姐生日會。（黃國立攝）
蕭定一與無綫的錢銀宗官司追溯至2014年，有報導指當時仍是屬於無綫經理人旗下的佘詩曼，同蕭定一的冠嶺有限公司簽了約拍攝電影《十月初五的月光》，合約寫明阿佘18個工作天拍《十月》會收取港幣190萬片酬，如需額外要工作，則收取日薪11萬。有傳該電影的男主角張智霖因為不滿劇本而要求改劇本後才續拍，導致電影逾期完成，故冠嶺要支付額外的187萬薪酬予阿佘。有指阿佘其實並沒有打算要追討補水，反而是身為阿佘經理人的TVB堅持要向冠嶺追討，而冠嶺只支付了額外薪酬的一半，因此無綫入稟追收其餘的93萬5千元以及相關的利息。蕭定一公司旗下藝人因而被 TVB 封殺，受影響的藝人除了周秀娜，還包括上位中的張繼聰和鄭欣宜，同樣在拍完劇之後，就缺席所有劇集宣傳。不過今次周秀娜獲邀出席樂小姐生日會，唔通係獲解除封殺令？
因為蕭定一拖欠阿佘補水，阿佘當時的經理人TVB入稟追數。
+2