【美女廚房】馮盈盈鹹親蕭正楠　吳若希廚藝咁渣1歲囡囡認真受苦

馮盈盈（Crystal）、麥明詩（Louisa）和吳若希（Jinny）三位靚女在今晚（30日）播出的《美女廚房》第5集中一決高下，當中以Jinny的廚藝最為令人側目。在「指定菜式」環節中，Jinny試完自己煮雞及蠔後即乸埋口面，擔任試食嘉賓的好友胡鴻鈞亦毫不畀面，放落口不足半秒即吐，而其他嘉賓都大叫「好臭」，兼勁畀負分，令人難以想像到底Jinny的囡囡平時食乜。

到「自選菜式」環節，馮盈盈便開始發功，用墨汁焗八爪魚，食到嘉賓們成口都係，當中主持蕭正楠便指馮盈盈煮的八爪魚又韌又鹹，好在自己個腎頂得住。最後，馮盈盈、麥明詩和吳若希分別獲得69分、86.5分和17.5分，麥明詩勝出。