【天命】網民質疑李施嬅海報排位過前 姚子羚：公司無同我哋傾
撰文：吳子生
出版：更新：
姚子羚現身新城電台為無線劇集《天命》宣傳。劇集已播放了好幾集，大獲好評，對此子羚表示：「起初都會有啲緊張，因為有《深宮計》同時播放，但又理解到兩者不同之處各有吸引，呢套戲內講述在宮廷中，男人為自己權力去爭鬥，頭幾集節奏好緊湊，來緊下星期便進入感情戲。」
姚子羚透露在拍攝《天命》時，在房內打邊爐（梁碧玲攝）
《天命》宣傳海報排位方面，網民質疑為何李施嬅可以排在唐詩詠及姚子羚之前，畢竟唐詩詠攞過視后獎項，而姚子羚同樣得到配角獎？子羚回應：「其實自己冇留意，公司又冇同我地傾排位問題，全部由公司決定，其實獎項只不過係錦上添花，只是一個代表，施嬅係好戲之人，演技都係大家公認，其實大家都唔會Focus係呢件事上。」
姚子羚稍後夥拍兩位型男拍旅遊特輯（梁碧玲攝）
姚子羚稍後會同施嬅、豹嫂胡蓓蔚去菲律賓旅行：「一齊放鬆下減吓壓，仲會帶多幾件泳衣去影相，啲姐妹用來私藏，跟住之後再同施嬅兩人，再去東非旅行，去睇動物大遷徙！又要打定防疫針！」