【書展2018】張沛樂孖姊妹旅行互影:男友唔會咁影我哋

撰文:
最後更新日期:

沙律透露其實一輯相係同Kimi一齊浸溫泉,而且係全裸上陣,不過有幾激呢?佢就叫大家買寫真睇睇啦。

網絡女神兼健美達人張沛樂(沙律)終於加入寫真戰圈,同人妻趙詠瑤(Kimi)以「閏蜜旅遊」為主題,去到台灣不同地方取景拍攝,沙律表示曾為Kimi 拍下snap shot,效果大家都十分滿意,令她萌生出書的想法。「男朋友或者老公都未必會咁同我哋影,再加上自己都廿幾歲,依家唔影等幾時。」雖然沙律過往影埋唔少性感照,早年亦曾因VR apps而推出過寫真,不過原來她對寫真書十分抗拒。「因為感覺上寫真就係要性感,亦好易被標籤為𡃁模,自己唔係太想比人定位係𡃁模,會影響我接戲。」沙律表示由於未真正拍過寫真,所以今次的拍攝基本上全權由Kimi負責。「好多時佢安排晒,我好難插手,變得好被動。後期因為大家都有工作,所以都有少少忟憎,都有同Kimi講返,因為佢真係好辛苦。」

寫真全台灣拍攝,不過如果時間有限,所以沙律全個trip感覺就係攰。

沙律透露寫真不乏與Kimi全裸浸溫泉,但就唔覺得好大膽,更笑言走光或大膽相都只會留作珍藏,而男友林耀聲成了最大的得益者:「都有send啲獨家比佢睇,佢有回返我心心眼。」沙律指男友林耀聲對於寫真的尺度未有任何意見,原因係之前也有跟對方討論過應否拍露點戲。「佢話如果劇本或者導演ok,可以一拍。」沙律表示如果今次寫真反應好的話,不排除會encore,但就一定要搵個有經驗的攝影師,她解釋是因為今次寫真由司從夾帶操刀,但其實有不少靚相都是她與Kimi互影。「可能司從夾帶係男仔,所以佢影唔到閏蜜感覺,所以你問我比幾多分……80分。」模特兒出身沙律,因經常放做Gym片上網而大受歡迎,被封為「運動女神」,熟悉健身房各種器械及用具的她,去年更考得健身教練牌,並在健身中心開班。她指做gym是因為入行過曾經歷低潮冇嘢做,於是搵朋友教做Gym。

林耀聲應該keep埋唔少未曝光寫真相,幾時開心share先?!

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。