【後生仔傾吓偈】馮盈盈原來係AV專家　分析不同片種：有時間停止

最新一集《後生仔傾吓偈》以「AV成人影片」為主題，呢個題目真係好似為充滿黃色底子嘅馮盈盈而設一樣！當六號問到大家認為睇AV是否有好處時，馮盈盈就舉腳讚成，更分析不同作品種類。「有啲係時間停止後，兩個人就會疊埋一齊」，她之後又以「跨種族的愛、多元種族融合」去形容AV。而當六號提到男生睇AV時，情況有如睇足球，不停大叫「入呀」，馮盈盈就覺得睇AV似網球，更繪影繪聲發出「啪啪啪」聲，非常投入。

提到AV初體驗，馮盈盈就話曾經試過下載台劇，結果一開係AV，寶貴第一次就係咁無咗，不過，隨著「線上看」的出現，相信馮盈盈今時今日無論係睇av定睇青春浪漫台劇都好方便。「要收埋自己的瀏覽記錄，或者揀線上瀏覽，唔好下載，因為下載咗 會好易有記錄。」之後她更教六號下載攔截廣告app，完全係專家級口吻，而聽到同場KOL表示有個app可以將所有下載作品存起來，並需要密碼才可以開啟時，馮盈盈就即時舉手表示知道，更指「啊！play得好安全。」FYY真係好博學。