【世界盃】ViuTV俄羅斯搞決賽派對 曾志偉「現身」贈慶谷收視
撰文：鄺鈺瑩
出版：更新：
志偉上月返黎出席活動時，已透露完成內地工作後飛俄羅斯睇決賽。（資料圖片）
Viu TV直播世界盃，無論係主持、旁述同收視贏到開巷。比賽進入最後階段，有傳ViuTV將會拉大隊飛到俄羅斯舉行世界盃決賽大派對，更邀請譚詠麟、許志安、梁漢文等人做星級主持，而既係譚詠麟老友，又係熱血球迷的曾志偉亦將會出席，由於志偉向來都係無綫鎮台之寶，故今次現身ViuTV誓必成為焦點之一。
譚詠麟向來都係足球愛好者，他除為Viu TV創作了世界杯主題曲《我們的夢》外，更在6月時飛到俄羅斯睇世界盃開幕。
據知，志偉目前正身在雲南拍戲，但他早已度期與一班好友飛俄羅斯睇世界盃，適逢譚詠麟獲ViuTV邀請參與世界盃派對，志偉亦答應將會現身，但屆時會否與眾人開咪講波，抑或坐定定做觀眾，志偉就暫時未有定案。其實自ViuTV直播世界盃後，有網民指ViuTV無論在宣傳抑或搞氣氛都不及無綫，如今ViuTV一炮過搵來譚詠麟、許志安、曾志偉等人，隨時又再創收視新高。
譚校長拉大隊到俄羅斯睇世界盃開幕，更在場內遇到陳奕迅。