【十八年後的殺人告白】江欣燕久別重逢林嘉華：覺得佢好有型
撰文：吳子生
出版：更新：
林嘉華與江欣燕戲中飾演夫妻（梁碧玲攝）
林嘉華與江欣燕在新劇《十八年後的殺人告白》中兩人飾演夫妻，故事講述林嘉華是一名越南難民，因逃難來到香港，在金舖邂逅江欣燕，最後結為夫妻。欣燕表示好開心同嘉華哥合作拍戲做夫妻，「佢係我一個好敬重嘅藝人，還記得當年讀緊中學嘅時候，學校派我去睇《少年警訊》見到當時嘉華哥同盧敏儀做主持，覺得佢哋好有型好羨慕佢哋，估唔到依加可以拍住演戲做夫妻，係好開心。」
其實林嘉華與江欣燕彼此相識二十多載，今次能夠重逢合作演戲，又會唔會有火花呢？嘉華笑言:「我地拍外境時好熱，會為大家抹汗，因為每一次合作做情侶或老婆嘅，係嗰三個月拍攝過程中，我都會當佢係我老婆，但一到收工就唔會喇，哈哈，請放心。」
一班演員切燒豬望拍攝順利。