【世界盃】黃心美捱夜睇波狂食零食 「奇招」應付增磅危機

撰文:
最後更新日期:

黃心美出席宣傳活動時感嘆世界盃充滿型男:「自己本身唔係睇開波嘅人,但因為公司有份直播世界盃,通常第二日唔洗做野都會睇,幾乎晚晚都會睇,真係認識左好多靚仔球星,佢哋全部都好靚仔,例如法國隊嘅安巴里,英國嘅哈利簡尼。」

黃心美原來最鍾意英國嘅哈利簡尼呢種類型。(黃國立攝)

心美更透露自己看世界盃期間晚晚都瘋狂食零食,更有「奇招」面對體重改變:「我為咗唔俾呢啲數字影響工作嘅心情,所以我從來都唔磅重,咁我就唔知自己有冇肥到啦。不過我自己都有跑開步keep fit,有人話工作之後太攰會唔想跑,我反而覺得攰更加要跑,將啲能量釋放出嚟,個人反而仲會精神咗!」

心美更透露自己看世界盃期間晚晚都瘋狂食零食。(黃國立攝)

活動期間心美亦表示她們四姐妹雖然樣貌相似,但在性格工作卻各有各特色:「心穎好明顯係屬於好可愛,成個大笑姑婆咁;我自己就感覺上比較歷練啲;三妹就少啲出鏡,專心做空姐,旅遊嘅嘢就好啱佢;二妹依家開始做KOL,都有出鏡但係同我同心穎性質完全唔同,因為佢係三個小朋友嘅媽媽,佢主要係sell媽媽或者小朋友嘅產品。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。