49歲郭少芸承認離巢 北上拍戲做公安：出去咩都會想試吓
撰文：關穎賢
出版：更新：
無綫不時傳出藝人離巢的消息，先前講過林曉峰會過檔ViuTV、黃德斌轉戰電影圈。今日（4/7）傳出消息指在TVB26個年頭的郭少芸（Florence），幾乎付出所有青春給TVB，最終都係要與無綫結束賓主關係。Florence接受《香港01》訪問時，承認跟無綫已經結束合約，並會北上發展拍攝電影及網絡劇集。談到有不少無綫前藝人都過檔ViuTV，她直言暫時未有單位聯絡自己。
Florence表示雖然跟TVB完約，但不代表日後不會再合作。
問到考慮北上的主要原因，Florence笑言：「其實係大趨勢嚟㗎喇，有多啲唔同發展，而家同TVB冇約啫，唔係唔再合作。而家自由身，自由啲，時間可以自己掌握番。」不過這個決定從來都不是向錢看，只是想挑戰及接觸不同的範疇，謂：「其實都係做番演員要做嘅嘢，同埋北上市場遼闊啲。冇乜工作係唔辛苦，喺TVB辛苦起上嚟都幾辛苦㗎。」至於未來工作方面，Florence透露即將會北上拍攝電影，更會飾演女公安：「戲份多唔多自己都唔介意，劇本同角色上OK就得，出去咩都會想試吓！」