【開心速遞】金城安同Bonnie相愛到永遠 一個願打一個願捱
撰文：陳曉毅
出版：更新：
周嘉洛同林凱恩在劇中的感情線發展穩定。（黃國立攝）
無綫處境劇《愛·回家之開心速遞》舉行活動宣布添食多180集，劇中的金城安 (周嘉洛飾) 同Bonnie (林凱恩飾) 呢一對又會點發展呢？兩人異口同聲表示暫時收到的劇本他們依然是情侶關係，嘉洛說：「我哋仲係一齊，直到永遠。添食多180集可以有好大嘅創作空間，編劇仲有好多嘢可以寫。」對於有網民指Bonnie呢個角色成日欺負金城安，角色唔討好，凱恩表示：「吓，我無蝦佢呀，我只係想佢呢個廢青好啲。」嘉洛就話：「其實係一個願打一個願捱啫，我係廢青佢都鍾意我，係愛呀，哈利！」
另外，問到該劇的監製林建祥、編審李綺華以及袁寶慧是否要以打破《真情》的集數記錄為目標，他們表示逐步逐步來，亦不擔心會拍到無嘢好拍：「仲有大把方向，有好多條線可以講。」至於最受歡迎的大小姐同送水輝呢條感情線，監製同編審就透露黎振燁會加入做第三者：「畀啲難度佢哋，唔可以咁容易就喺埋一齊，要經歷下啲風浪。」
監製林建祥、編審李綺華以及袁寶慧話該劇仲有大把方向發展。（黃國立攝）