【同一屋簷下】蕭定一決定拍港版 張智霖演大佬比江口洋介大20歲
撰文：冼燕珊
出版：更新：
香港九十年代是日劇盛行的年代，當中《同一屋簷下》可算是其中一部最膾炙人口的日劇，亦是日本史上視率最高的電視連續劇之一。趁著《同》劇日本首播25周年紀念，蕭定一旗下公司HMV數碼中國買入版權，宣布會拍攝22集嘅港版《同》劇，預計秋天開鏡。
大家聽到呢個消息，係期待吖？定震驚多啲？畢竟呢套劇可說是經典中的經典，要超越真係唔容易，有網民留言說：「唔好破壞經典啦！」睇埋演員名單，真係有嚇一跳，按圖觀看：
大佬：柏木達也（26歲）
日版：江口洋介飾
港版：張智霖飾
江口洋介飾演留有一把長髮的大佬，予人感覺不修邊幅，但張智霖平時形象官仔骨骨，不過生於1967年的江口洋介，當年拍劇只得26歲，反而張智霖今年已46歲，兩者相差足足20年，落差太大！（網上圖片／資料圖片）
二佬醫聖柏木雅也（25歲）
日版：福山雅治飾
港版：周柏豪飾
冇得傾，福山雅治係永恆的經典，無人可以取替！（網上圖片）
三妹柏木小雪（22歲）
日版：酒井法子飾
港版：連詩雅飾
小雪氣質清純，而連詩雅拍開喜愛夜蒲，會唔會太格格不入？（網上圖片／資料圖片）
四佬柏木和也（20歲）
日版：石田壹成飾
港版：張建聲飾
35歲的張建聲演連詩雅細佬仲要扮20歲，會唔會太令人難以接受？
細細佬柏木文也（15歲）
日版：山本耕史飾
港版：蔡瀚億飾
雖然蔡瀚億年紀已過三十，不過勉強都算似嘅。（網上圖片／資料圖片）
柏木小梅（16→17歲）
日版：大路惠美飾
港版：鄧月平飾
鄧月平個實際年紀雖然無角色咁細，不過都叫做最似喇。（網上圖片／資料圖片）
其他角色包括還包括胡杏兒，飾演「達也」未婚妻；周秀娜，飾演心臟病人。由於港版角色年紀比原版大，令網民不太滿意：「咪玩啦，搵啲三十幾四十歲嘅人做十零廿歲嘅角色。」
劇中經典動作。（影片截圖）
+6
野島伸司編劇 單集收視「月9」史上最高
原裝版本《同一屋簷下》由野島伸司編劇，講述柏木六兄弟姊妹小時候被迫分開，長大後重聚。當中大哥「達也」以及二佬醫聖「雅也」分別愛上柏木家養女三妹「小雪」，而發展出三角戀。而港版劇情亦圍繞幾兄弟姊妹情，但由於係25年後再開拍嘅關係，角色、環境都有調整，日常生活多咗電子產品。
劇集於1993年4月在富士電視台首播，平均收視率為28.2％，瞬間最高收視率更達37.8％，是為富士「月9」劇史上單集收視冠軍（第11集）。《同一屋簷下2》於1997年首播，同樣獲得高收視，平均收視27.0%，最高收視高達34.1%。
+4