NeiNei為拍《爸爸去哪兒》經常缺課 吳尊：她有努力追上
撰文：鄺鈺瑩
出版：更新：
NelNel因為要拍《爸爸》而做逃學威龍，幸好佢嘅成績都唔算太差。
雖然內地綜藝節目《爸爸去哪兒》新一季未開鑼，但幾位奶爸都不時都有透過微博分享小朋友近況。吳尊日前就上載愛女NeiNei（吴欣怡）嘅成績表，並表示為她感到驕傲，而一對仔女嘅暑假亦都正式展開。NeiNei成績表共5頁，老師大讚NeiNei有禮貌而且樂於幫助其他同學，亦指她享受學習過程。成績方面，數學同英文基本上都係good或者Satisfy，而音樂、體育、語言更達到Excellent，成績咁好，難怪吳尊因而感到驕傲。
為慶祝NelNel好成績同放暑假，吳尊特意準備食物同蛋糕慶祝，真係廿四孝好爸爸。
之不過，成績表上的61.5%出席率就似乎更為令網友關注，唔少人都留言問係未因為去得太多旅行，又或者係因為要拍《爸爸》所以搞成咁，為此，吳尊就話： 「沒辦法……《爸爸去哪兒》拍攝……但老師在成績單說Nei Nei知道她缺課所以有努力追上……讓我特別感動。」
睇吓NelNel成績有幾勁
+1