吳千語IG晒收花相 富三代男友疑似唔領情IG開罵
撰文：冼燕珊
出版：更新：
現年24歲的吳千語，今年初被爆與拍拖五年的林峯情斷，有傳是吳千語一腳踏兩船，未與林峯分手就已經與有米新歡施伯雄(Brian)撻著，即使林峯百般挽留，都留唔住BB，有指原因是Brian身家比林峯更豐厚，而且年紀也比他後生得多。
吳千語在IG Story 上放閃，上載收花相，在左上角有勁細粒字Tag咗 新歡IG。(IG圖片）
吳千語與新歡施伯雄(Brian)。
雖然吳千語與Brian一齊已是公開的秘密，不過比起跟林峯拍拖期間，這次千語就相對低調好多，不過昨日佢終於都忍唔住，於 IG 放閃，在IG Story 上載一張橙色玫瑰花相，並 tag 男友Brian，雖然字體比螞蟻還要細粒，但仔細睇就會發現。
千語張收花相曝光之後，Brian在IG Story 上載這張圖片，唔通係鬧緊千語高調放閃？（IG圖片）
而睇返Brian嘅IG Story，佢今日上載咗一張圖，當中以英文寫著： “Bitch，don't kill my vibe.(八婆，不要打破我的寧靜)” 咦，唔通係回應千語高調放閃，令到二人戀情再次成為話題，打擾咗佢嘅安靜？這張圖片上載咗大約半小時，就被Brian刪除，令事件更加撲朔迷離。
Brian是前全國政協兼地產商施子清嘅長孫。(網上圖片)
講返Brian嘅條件同背景，佢成個package都好得，外表官仔骨骨，絕對拎得出街；學歷方面，Brian畢業於被譽為「政治家搖籃」嘅美國喬治華盛頓大學，主修工商管理；講到家庭背景，佢係前全國政協兼地產商施子清嘅長孫，名副其實嘅百億富三代；Brian雖然家庭背景驚人，但佢都有自己嘅事業，係一名企業家，一手創立網上房地產平台，仲因此而得過「網絡人氣大獎」。最緊要嘅係，Brian今年先28歲，細林峯足足10年，同千語年紀相近，似乎更啱咀形。
千語BB都幾識揀，個個男朋友都有米又靚仔。（IG圖片）
+1