【美女廚房】湯洛雯孖倪晨曦煮湯有洗潔精味 食到全體評判吐出來
撰文：張嘉敏
出版：更新：
今集有呢6個靚女嘉賓。
剛剛播出的一集《美女廚房》，有「靚湯」之稱的湯洛雯孖住IG女神倪晨曦 (Elva) 以姊妹檔上陣炮製美食，她們兩個唔止個樣生得好似，就連廚藝的水平都好相近，可惜是差的方面。同場出戰的女嘉賓仲有衛蘭同衛詩兩姊妹，以及《愛．回家之開心速遞》入面飾演姊妹的呂慧儀同蘇韻姿。第一個回合三組分別要煮出炸豬手與龍蝦湯兩道美食。
靚湯同Elva原來出得廳堂，唔入得廚房。
兩個有啲雞手鴨腳。
雖然她們都煮得不是太成功，尚有好多進步的空間，但最突出的就是靚湯同Elva呢組，因為兩人真係煮得好難食。一班美女學徒試飲靚湯同Elva煮的龍蝦湯飲到變晒臉，仲話個湯的味道有些似洗潔精味。
呢位美女學徒飲靚湯同Elva煮嘅湯飲到變臉。
之後再到一班男評判遂一試食，竟然誇張到令現場全體共七位評審齊齊吐都吐唔切，幾乎個個都要第一時間吐落垃圾桶。蕭正楠仲話靚湯煮的湯咁難飲，叫她改名唔好再叫靚湯。一輪試食後，靚湯同Elva就奪得負65的超低分，成績暫時創下了今輯最低分的記錄。
睇阿Bob個樣就知有幾難食。
食到個個都要吐出嚟。
到第二個回合她們三組就要烹調指定食材田雞，6位靚女當然被活生生的田雞嚇到不停尖叫，靚湯同Elva今次無之前煮得咁難食，結果追返唔少分數，最後以負12分成為呢集的地獄廚神。估唔到兩個咁靚女但廚藝咁差，睇來如果想出得廳堂兼入得廚房，就要好好苦練一下喇。
佢兩個一度-65分。
就算用美色都無用。