【港姐2018】同黃夏蕙契女撞樣？ 高海寧當笑話 ：唔覺好似！
撰文：賴家杰
出版：更新：
女神高海寧今日下午現身童話故事活動揭幕禮，高Ling於活動上表示能夠出席這個活動十分高興，謂：「自己小時候已經好愛童話故事，將來有自己小朋友嘅時候，一定會每晚講自己喜愛嘅童話故事畀佢聽。」但除了童話故事書，高Ling還喜歡看什麼類型的書呢？她說：「人長大睇心理學或者一啲正能量嘅書，因為可以令到人想法唔會太負面，工作有時候壓力又大呢。」
女神高海寧今日下午現身出席童話故事活動揭幕禮。（梁碧玲攝）
高Ling透露壓力來源多數來自工作方面，而最近拍攝的劇集《C9特工》中更擔任女主角。擔任女主角更加令到高Ling增加不少壓力，問到高Ling如何減壓，她直言：「放假會喺屋企放空，即係發呆一吓，可以咩事情都唔需要諗，畀個腦休息一吓，因為有時候訓覺都會諗其他事，譬如拍戲拍得好唔好，所以放空對我嚟講係一個幾好嘅方法。」
高Ling指最佳減壓方法係發呆。（梁碧玲攝）
每一年香港小姐都能夠成為眾人討論焦點，今年亦不例外。早幾天，其中一位面試佳麗，黃夏蕙契女林昕雨被指貌似高海寧，高Ling笑言當笑話一則：「自己都有留意呢一件事，我睇咗相就唔覺好似樣，身邊朋友都話唔似。」問到曾參選香港小姐的高Ling，作為師姐可有任何意見給予今屆的參選佳麗，她坦言：「大家最緊要平常心，唔好睇獎項睇得太重，最緊要享受過程，因為你會發覺參選過程中會學到好多事。」
黃夏蕙契女林昕雨被指跟高海寧撞樣，但她因為有和其他公司簽下經理人合約，已經宣布退選今屆港姐。（資料圖片）