【黃子華棟篤笑】子華難忘初出道貼街招爆喊 林祖輝:好少見佢咁

撰文:
最後更新日期:

黃子華最後一次的棟篤笑一連26場在紅館上演,周日晚(8/7)邱淑貞夫婦、陳法蓉、江希文及名媛黎曉靈(Kimmy)和林祖輝等捧場。

棟篤笑期間,子華在台上講到1990年人生首次開棟篤笑時,非常擔心銷情,而四處貼街招宣傳,提到當年有好兄弟林祖輝的仗義幫忙時,更講到哽咽,直至完場後,子華走入後台與祖輝相遇,由於事前不知道對方會現身,所以子華忍不住激動落下男兒淚緊緊擁抱他,場面感動。

林祖輝接受《香港01》訪問時透露,1988年與子華、歐陽德勛、鄧梓峰、胡增良、黃子華、彭鏡光及歐陽應霽一同主持商台節目《咪前七先鋒》建立交情,漸漸成為好朋友,雖然近年少了見面,但友情依舊。提到當年貼街招宣傳一事,祖輝笑言只事小事一樁:「夜晚一齊去貼街招,嗰晚都係貼咗一、兩個鐘,第二日專登兜架車去睇,發現已經俾人搣走晒。」

子華完騷後,看到林祖輝後就忍不住爆喊,並向助手示意拿紙巾抹眼淚。(黎曉靈IG)

坦言搞棟篤笑壓力大 6至9個月前「停工」準備

兩人在後台情深擁抱再爆喊,對此祖輝笑言:「未見過佢喊。」不過就直言知道要舉行一個棟篤笑一點也不容易,更用花式自殺來作比喻:「觀眾唔一定會笑,每次都有壓力。開場播出嘅片段,自己都有份參與,有晒回憶,佢(子華)就更加多一千倍啦。其實佢都承受好大壓力,我唔知道今次佢預備咗幾耐,但之前佢開Show前6至9個月都唔會接任何嘢,大家都見到票房同各樣嘢都好好,但係就冇人知道佢犧牲咗幾多!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。