吳業坤曬黑做男神 準備遠赴日本「了解」當地女生

撰文:
最後更新日期:

吳業坤下午和JW一齊出席太陽計劃活動。(陳順禎攝)

吳業坤周一(9日)出席太陽計劃活動,坤哥見到一班學生都覺得好青春,講開學生,佛牌都要問下佢讀書嘅事,坤哥回想起會考時:「讀書喜歡嘅科目成績都唔錯,但中文就唔合格,不過補考拎番個C都算唔錯。」坤哥仲講到當年如果冇參加超級巨星,自己應該會繼續讀落去,但陰差陽錯下就成為全職做歌手了。

坤哥膚色黑咗,畀人感覺似瘦了不少,早前都經常聽坤哥話要減肥,唔通終於有成績啦?坤哥就覺得應該係曬黑咗,所以大家覺得佢變瘦,「接下來拍新劇要做一個警察,所以都有KEEP坐減肥,唔想鬆泡泡去拍攝呢一部劇。」

不過人瘦咗畀人感覺亦健康咗,坤哥會唔會脫毒有望?坤哥表示:「就算唔減都...溝唔到,所以只能夠MV裡面活出真我。」講開MV嚟近坤哥都要遠赴東京拍攝唱片封面,坤哥表示當然希望到時認識更多日本女生,但對於發展就有點抗拒,「就算識到,去追都要溝通得到先得㗎,所以不了。」

坤哥準備去日本拍唱片封面。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。