【兄弟班】王梓軒飾演少年版亞叻：當自己係「符碌」占士甸
撰文：吳子生
出版：更新：
多位演員王梓軒、林耀聲、鄧加樂、吳鶴謙聯同溫拿五虎等人，出席電影《兄弟班》首映禮。
王梓軒《兄弟班》飾演年少陳百祥（陳順禎攝）
王梓軒近日為電影在內地宣傳造勢，在戲中飾演溫拿第一代成員陳百祥年輕版：「我地大細溫拿，成組人近日去左內地廣州佛山，走過十幾間戲院做宣傳及訪問，成個過程都唔覺得攰，真係好開心，最難演呀叻個角色，因為導演要求我唔好演到似呀叻本人，想我地演繹年輕人奮鬥吏，導演教我當自己係「符碌」占士甸，性格上好叛逆強大，但又傻傻地，因為係𡃁仔嘅時候，到拍出來之後，個效果好好。」
王梓軒因拍《兄弟班》和細「溫拿」各演員成為好友（陳順禎攝）
將溫拿五虎故事拍成電影搬上銀幕，當中經歷淒酸往事有誰能感受。梓軒表示：「大家睇溫拿嘅時候，好似成班大細路咁，開開心心，其實套戲真係幾感人，譚校長睇過有個位，睇過幾次，同一個位都會咸，佢地將自己咁多年嘅野，濃縮成兩個鐘，傳奇真係傳奇。」